Qyteti ku hoxha e pastron kishën e prifti xhaminë

Gjilani njihet komunë shembull sa i përket tolerancës ndërfetare e ndëretnike.

Drejtuesit e kësaj komune shpeshherë kanë deklaruar se diversiteti fetar, etnik e politik, konsiderohet si vlerë.

Një kontribut për këtë ‘kapërcim’ e kanë dhënë edhe prijësit fetar.

Në tetorin e vitit 2015, tre prijësit fetar në Gjilan, Naim Aliu nga Bashkësia Islame, Don Domonik Qerimi nga Kisha Katolike dhe Naim Bllaca, nga Kisha Protestante “Ringjallja”, e pastruan xhaminë “Mulla Idriz Gjilani” (1936) dhe kishën “Shën Ana” (1938), në Dunav të Karadakut, raporton portali Mediafokus.info.

Ata e përçuan mesazhin e madh se bashkëjetesa funksion duke e respektuar të drejtat e njëri-tjetrit.

Duket se Gjilani mbetet komuna e vetme që ka punuar shumë për të arritur në këtë nivel të tolerancës ndërfetare.

Për festën e Krishtlindjeve, ndoshta ky mund të jetë mesazhi më i mirë i respektimit të të jetuarit e besuarit ndryshe./MediaFokus/