Rritja e numrit të të vdekurve me Covid-19 alarmon qeverinë

E shtuna ka qenë dita më e rëndë sa i përket numrit të viktimave në Kosovë që kur ka shpërthyer pandemia Covid-19.

Rritja e numrit të të vdekurve me Covid-19 ka alarmuar Qeverinë e Kosovës.

Kryeministri Avdullah Hoti, do të zhvillojë sot një takim me krerët e institucioneve shëndetësore në vend për ta analizuar gjendjen epidemiologjike dhe për t’i shikuar hapat tjerë eventualë që duhet ndërmarrë.

Kjo është bërë e ditur përmes një njoftimi nga Zyra e Kryeministrit, e cila ka njoftuar se të dielën në ora 13:00 mbahet mbledhja e qeverisë.

“Kryeministri Avdullah Hoti pret në takim drejtuesit e institucioneve shëndetësore. Pas takimit do të ketë konferencë për media”, thuhet në njoftim.

Instituti Kombëtar i Shëndetësisë Publike të Kosovës (IKSHPK) ka njoftuar se janë konfirmuar edhe 178 raste të reja me koronavirus në vend. /mediafokus.info