Sa kosovarë u vaksinuan deri sot kundër COVID-19?

Ministria e Shëndetësisë në Kosovë (MSH) ka njoftuar se numri i përgjithshëm i të vaksinuarve kundër COVID-19 ka arritur në 41.867.

Vetëm të dielën (16 maj), sipas njoftimit të kësaj ministrie, në sallën 1 Tetori në Prishtinë dhe në njësitë e vaksinimit në 16 komuna janë imunizuar 2.519 qytetarë.

“Vaksinimi do të vijojë për qytetarët e moshës mbi 65 vjeç, të regjistruar në platformën elektronike e.kosova dhe sipas listave në dispozicion të Qendrave të Mjekësisë Familjare, ndërsa Ministria u bën thirrje qytetarëve të çdo grupmoshe, që të regjistrohen dhe aplikojnë për marrjen e vaksinës kundër COVID-19 në platformën e.kosova”, thuhet në njoftim.