Sabri Fejzullahu ribashkohet me Nerën e tij

Sabri Fejzullahu zor të ketë provuar gëzim më të madh kohëve të fundit se sa momenti i ribashkimit me Nerën e tij.

Disa javë më parë, artisti i njohur kosovar tregoi në programin ‘Ftesë në 5’ se karantina e kishte ndarë nga bashkëshortja e tij, Nera e cila ndodhej në SHBA.

Këngëtari u shpreh se kjo gjë e ka mërzitur jashtë mase dhe se mezi po pret që të bashkohet me më të shtrenjtën e tij, siç e quan ai.

Fejzullahu i tha publikisht Nerës se ajo është vetëm për të e do jetë me të gjithë jetën.

Së fundmi me anë të një postimi në rrjetet sociale, Sabriu ka treguar se tashmë ndodhet pranë Nerës.

“Jam shumë i lumtur që të kam pranë. Nga ky moment fillon vetkarantinimi. Me dashni së bashku me dashninë e jetës”, ka shkruar artisti krah postimit në ‘Instagram’.

Fejzullahu ka treguar se nuk qëndron dot gjatë larg bashkëshortes dhe se ajo është dashuria e jetës së tij. /mediafokus.info