Sot varroset futbollisti i Trepçës ’89 i cili vdiq dje në fushë

Futbollisti Erion Kajtazi, i cili vdiq dje si pasojë e një arresti kardiak, varroset sot në orën 14:30.

Kështu kanë bërë të ditur familjarë të tij.

“Miq e familjarë, djali ma i mirë i familjes, Erioni, na la sot. Varrimi do të bëhet nesër në ora 14:30 në fshatin Zasellë”, ka shkruar Shkumbin Kajtazi dje.

Në lidhje me këtë ngjarje të rëndë, ka reaguar edhe Federata e Futbollit të Kosovës.

“Stafet mjekësore të të dyja klubeve kanë intervenuar me shpejtësi për t’i ofruar ndihmë dhe më pas me urgjencë e kanë dërguar në Spitalin Rajonal në Prizren”.

“Megjithatë, përkundër përpjekjeve maksimale të mjekëve, Erioni nuk ka dhënë shenja jete dhe është konstatuar vdekja e tij nga ataku kardiak”, thuhet në njoftimin e FFK-së