Tregolëshi i Muriqit e kalon Kosovën në Ligën B të Ligës së Kombeve
Kombëtarja e Kosovës ka arritur fitore edhe në ndeshjen kthyese ndaj Islandës, në kuadër të play-offit për Ligën B të Ligës së Kombeve.
Kosova mposhti Islandën me rezultat 5-2 në të dyja ndeshjet.
Ndeshjen e parë, Kosova e kishte fituar 2-1 në Prishtinë, derisa të dytën e fitoi 3-1 sonte në Spanjë.
Vedat Muriqi me tregolëshin e tij i siguroi fitoren Kosovës.
Islanda shënoi e para me anë të Oskarsson (minuta e dytë), por nuk arriti të bëjë më shumë.
Nga edicioni i ardhshëm i Ligës së Kombeve, Kosova do të luajë në Ligën B.
Ndeshjen e ardhshme, Kosova do ta luajë në qershor, në kuadër të miqësores ndaj Armenisë.
