Universiteti i Gjilanit anulon koktejin shkaku i koronavirusit

Universiteti “Kadri Zeka” ka anuluar sot koktejin e planifikuar për nder të shënimit të 7-vjetorit të themelimit, shkaku i frikës nga koronavirusi.

“E kemi ndaluar koktejin e paraparë, si masë parandaluese për koronavurisin”, ka thënë rektori Bajram Kosumi, raporton mediafokus.info

Megjithatë, numri i atyre që janë mbledhur sot në ambientet e UP “Kadri Zeka”, ka qenë mjaft i madh, gjë që e ka shtyrë rektorin të konstatojë se kjo do të thotë që njerëzit nuk kanë shumë dert për virusin.

Përndryshe, në tubimin e shënimit të 7-vjetoriot të Universitetit “Kadri Zeka” në Gjilan, Kosumi ka thënë se kemi hapur rrugën që mësimin praktik ta orientojmë në shkencat aplikative, pra në punë praktike, ashtu siç e kërkon tregu i punës./mediafokus.info