Votuesit nga diaspora, ja nga cilat vende vinë më së shumti vota

Votuesit nga diaspora kanë shënuar rritje përgjatë viteve, me theks të veçantë nga viti 2010, kur edhe janë mbajtur zgjedhjet e para të Kosovës si shtet. Numri i votuesve mërgimtarë është rritur dukshëm përgjatë nëntë vjetëve, përkatësisht në vitin 2019, shkruan albinfo.ch.

Referuar të dhënava nga KQZ, nga procesi i kaluar zgjedhor, 2019, më së shumti aplikacione të aprovuara janë shënuar nga votuesit e Gjermanisë, me 11.449 vota, vendi i dytë sa u përket votuesve ishte Zvicra me 9.842 vota, nga Serbia ishin 4.337, nga Austria ishin 1.387 vota, Italia 1.137, Franca 1.091, Shtetet e Bashkuara 1020 dhe Suedia me 1007 vota.

Nga ana tjetër, sa u përket të dhënave të vitit 2019, aplikacionet me numër më të madh të refuzimeve kanë qenë nga Gjermania me 1 766 vota të refuzuara, Zvicra kishte 1 313 vota të refuzuara, Serbia më 770, Suedia 201, Franca 152 dhe Shtetet e Bashkuara 141, shkruan tutje albinfo.ch.

Kujtojmë se në vitin 2019 numri i fletëvotimeve të dërguara përmes postës ishte dyfish më i ulët se ai i aplikacioneve të dërguara. Nga 40 mijë e 313 aplikacione në total, vetëm 20 mijë e 200 fletëvotime u dërguan përmes postës.