Dy makina me targa të Kosovës përplasen në rrugën e kombit

Dy persona janë plagosur si pasojë e një aksident në rrugën e kombit. Sipas informacioneve të para thuhet se në aksident u përfshinë dy automjete me targa të Kosovës.

Përplasja ka qenë e fortë, ndërsa dyshohet se shkak i aksidentit ka qenë parakalimi i gabuar i njërit prej mjeteve.

Policia ka shkuar në vendin e ngjarjes dhe po punon për zbardhjen e plotë të rrethanave të aksidentit, rapporton panorama.com.

Ndërkohë dy personat e plagosur janë dërguar në spitalin e Rrëshenit, por nuk dihet gjendja e tyre shëndetësore.