Edhe një javë keni afat për të tërhequr 10 përqindëshin nga Trusti

Fondi i Kursimeve Pensionale i Kosovës (Trust) ka njoftuar të gjithë kontribuesit se afati për të aplikuar për tërheqjen e 10 përqindëshit mbaron më 6 prill.

Përmes një njoftimi në faqen zyrtare, Trusti ka bërë me dije se pas kësaj date nuk mund të aplikohet për tërheqjen e kursimeve.

“I njoftojmë të gjithë kontribuuesit që nuk kanë aplikuar për tërheqjen e 10%-shit se më datë 6 prill 2021 përfundon afati për aplikim. Uebfaqja për aplikim është: www.trusti10.org. Siç e ka përcaktuar ligji, pas 6 prillit 2021 nuk do të mund të aplikohet për tërheqjen e 10%-shit”, thuhet në njoftim.