LDK apelon qytetarët e Gjilanit: Votoni masivisht për ruajtjen dhe përparimin e shtetit

Lidhja Demokratike e Kosovës në Gjilan fton qytetarët që të dalin në mënyrë masive për ta shprehur vullnetin e tyre të lirë përmes votës dhe në këtë mënyrë do të kontribuojnë për zhvillim të Gjilanit e Republikës së Kosovës, rrjedhimisht për ruajtjen dhe përparimin e shtetit.

Shtabi i LDK-së bën të ditur se të gjitha vendvotimet janë hapur me kohë në Gjilan dhe procesi deri tani po shkon mirë.

Shtabi i LDK-së vlerëson se gjilanasit gjithmonë kanë ditur të rreshtohen në rrugë të drejtë dhe në mënyrë solemne do ta shprehin vullnetin e tyre përmes votës, që është bazike për fuqizimin e demokracisë në vend.