Prifti e ngacmoi seksualisht një 19-vjeçar në jetimore

I riu ka thënë se prifti i cili punonte në jetimore ka filluar ta ngacmojë sekualisht që prej vitit 2020.

Në fillim 19-vjeçari nuk e kishte  kuptuar qëllimin e akteve të turpshme që prifti bënte ndaj tij.

Por më vonë ai kuptoi gjithçka, e për rrjedhojë kërkoi nga prifti që mos ta ngacmonte më.

Nga ky moment jeta e 19-vjeçarit u kthye në një makth, pasi prifti që vetëm jo që nuk ndaloi ngacmimin seksual, por kërcënonte të riun me jetën e familjarëve të tij.

Kjo bëri që adoleshenti të durojë ngacmimet e priftit dhe të heshtë.

Në dëshminë e publikuar nga protothema.gr janë përshkruar me detaje veprimet e turpshme që prifti bënte me 19-vjeçarin.

“Vendoste dorën poshtë rrobave të mia të banjës, mi fuste gishtat në fund deri sa më merrej fryma. Më prekte në të pasme. Ishte fiskuar pas meje. Kur nuk e lejoja të bënte ato që kishte ndërmend të bënte me mua, ai çmendej, bërtiste, më shante dhe më kërcënonte. Një ditë kur u zgjova e gjeta veten time në prehrin e tij, sapo hapa syte e pashë, u tremba dhe u largova me vrap. Një mëngjes tjetër më doli gjumi, kur ndjeva se ai po fërkonte organin gjenital te koka ime”, ka thënë ndër të tjera 19-vjeçari.

Sakaq i riu pretendon se prifti ka ngacmuar edhe fëmijë të tjerë në jetimore.

Mediet në Greqi shkruajnë se prifti ndodhet në burg dhe se në ditët në vijim do të dalë para Gjykatës për tu gjykuar. /Abcnews.al/