Si mund ta përmirësoni shëndetin tuaj me anë të të ushqyerit

Ajshe Ibrahimi, dietologe/nutriciste

Për shumë individë mund të jetë e vështirë të ndryshojnë zakonet e të të ushqyerit, por duhet pasur parasysh se bërja e ndryshimeve në dietë, apo ndryshimi i stilit te jetes, mund të jetë i dobishëm për shendetin. Gjithashtu, të ushqyerit e gabuar mund të përkeqësojë sëmundjen.

Simptomat nga sëmundje të tilla, si veshka, intoleranca ndaj laktozës dhe sëmundja celiac mund të përfitojnë të gjitha nga ndryshimet në dietë.

Më poshtë do t`i gjeni disa sygjerime për të përmirësuar shëndetin tuaj, duke pikasur ‘pikat e forta’ dhe ‘pikat e dobëta’ në dietën tuaj aktuale.

– A hani 4-5 porcione fruta dhe perime çdo ditë?

– A merrni mjaftueshëm kalcium?

– A hani ushqime me drithëra, me sasi te larta te fibrave? Nëse jo, shtoni më shumë nga këto ushqime në dietën tuaj të përditshme.

Kërkoni ndihmë nga mjeku juaj apo dietologu. Ai ose ajo mund t’ju ndihmojë të ndiqni një dietë të veçantë, veçanërisht nëse keni një çrregullim shëndetësor.

Pothuajse të gjithë mund të përfitojnë nga ulja e yndyrës së pashëndetshme. Nëse aktualisht hani shumë yndyrë, angazhohuni të zvogëloni dhe ndryshoni zakonet tuaja. Yndyrat jo të shëndetshme përfshijnë gjëra të tilla si: mishi me dhjam, lëkura e shpendëve; prerje yndyrore të derrit, viçit dhe qengjit, ushqime të qumështit me yndyrë të lartë (qumësht i plotë, gjalpë, djathëra).

Mënyrat për të reduktuar yndyrat e pashëndetshme mund te behen kësisoj:

– Mishi te përgatitet me ane te zierjes ne vend se te skuqet apo fergohet

– Hiqeni lëkurën para se të gatuani pulë ose gjeldeti.

– Hani peshk të paktën një herë në javë.

– Ulni yndyrën shtesë. Kjo përfshin gjalpë në bukë, salcë kosi në patate të pjekura dhe salcë sallate.

– Përdorni versione me yndyrë të ulët ose pa yndyrë të këtyre ushqimeve.

– Hani shumë fruta dhe perime me vaktet tuaja dhe si rostiçeri.

– Lexoni etiketat në ushqime para se t’i blini ato. Nëse keni nevojë për ndihmë me etiketat, pyesni mjekun ose dietologun tuaj.

– Kur hani jashtë, jini të vetëdijshëm për yndyrnat e fshehura dhe porcionet e mëdha.

– Qëndrimi i hidratuar është i rëndësishëm për shëndetin e mirë. Pini pije zero ose pak kalori, të tilla si ujë ose çaj. Pijet e ëmbëlsuara shtojnë shumë sheqer dhe kalori në dietën tuaj. Kjo përfshin lëng frutash, lengje te gazuara, pije energjike, qumësht të ëmbël ose me shije dhe çaj të ëmbël të akullt.

Ushqimi i ekuilibruar dhe ushtrimet e rregullta janë të mira për shëndetin tuaj. Këto zakone mund t’ju ndihmojnë të humbni ose mbani peshën normale. Mjekët dhe dietologët sugjerojnë që zakonet e të ushqyerit të shëndetshëm të bëhen pjesë e jetës së përditshme në vend që të ndiqni dieta të modës.

Këshillat e ushqyerjes dhe dietat nga burime të ndryshme mund të jenë mashtruese dhe jo te drejta dhe mund te ndikojne ne shendetin tuaj. Mbani parasysh këshillat dhe gjithmonë së pari me mjekun tuaj dhe dietologun.

Ushqimi i mirë nuk vjen në një pilulë. Provoni të përfshini një shumëllojshmëri ushqimesh në menyne tuaj ditore. Trupi juaj përfiton më shumë nga ushqimet e plota të shëndetshme. Vitaminat dhe mineralet ne forme suplementi nuk duhet te perdoren pa u konsultuar me mjekun tuaj.

Programet ose produktet e dietës nga burime te pasigurta mund t’ju ngatërrojnë me pretendimet e tyre. Shumica e njerëzve në këto reklama paguhen për miratimet e tyre. Ata nuk flasin për efektet anësore.